შესავალი

დღეს ონლაინ მაღაზიის შექმნა აბსოლუტურად განსხვავებული გამოცდილებაა, ვიდრე ეს იყო წლების წინ. ჩვენ ვცხოვრობთ ძალიან სწრაფად განვითარებად ტექნოლოგიებთან ერთად და ეს პირვლ რიგში კომერციასა და ეკონომიკური საქმიანობების გამარტივებაზე, გაფართოვებასა და იქ სიახლეების დანერგვაზე აისახება – ყოველდღიურად.

მითი: ონლაინ მაღაზიის შექმნას სჭირდება კომპლექსური ცოდნა ან დიდი ფული.

რეალობა: დღეს ნებისმიერი განათლების მქონე ადამიანს შეუძლია შექმნას ონლაინ მაღაზია უფასოდ.

ჩვენ, ბრენდჰენდში გადავწყვიტეთ, რომ თქვენთვის შევქმნათ დეტალური ინსტრუქცია თუ როგორ შეგიძლიათ ამის გაკეთება სრულიად უფასოდ. ჩვენი მოტივაციაა ბიზნესების ზრდისა და განვთარების ხელშეწყობა, რადგან ეს პირდაპირ აისახება ჩვენი კომპანიისა და ბიზნეს ჯგუფის კეთილდღეობაზე. გაითვალისწინეთ, ეს ინსტრუქცია გათვლილია პირზე, ვისაც თითქმის წარმოდგენა არ აქვს როგორ მუშაობს ვებ გვერდი, არ აქვს საბაზისო ცოდნა და არის საშუალო დონის ინტერნეტის/კომპიუტერის მომხმარებელი. სასურველია ინგლისური ენის საბაზისო ცოდნა, თითოეულ ნაბიჯზე ასევე გირჩევთ დამატებით რა დაგუგლოთ. ასევე სასურველია ამ გვერდს და საქმეს ლეპტოპით ან კომპიუტერით ჩაუჯდეთ მობილურის ან პლანშეტის ნაცვლად.

ნაბიჯი 1: რა არის დომენი?

მარტივი ტექნიკური გაგებით დომენური სახელი არის ინტერნეტ უნიკალური დასახელება, მისამართი, რომელიც მიუთითებს თქვენს საიტზე (მაგ. www.panta.ge) ან ელექტრონულ ფოსტაზე (მაგ. gifts@panta.ge). მისი მეშვეობით ყველას შეუძლია ინტერნეტში თქვენი საიტის ან ელ-ფოსტის მოძებნა. ინტერნეტ სისტემა თავის მხრივ დომენურ სახელს სპეციალური წესით დალაგებულ ციფრებში გადაიყვანს ანუ IP-ში, მაგალითად, 123.123.123.123 და ასე აღიქვამს მას. რათა ნებისმიერი დომენური სახელი მუშაობდეს და შეგეძლოთ საიტის ნახვა იგი მიმაგრებული უნდა იყოს რომელიმე ჰოსტზე (ჰოსტინგზე) და უნდა ჰქონდეს მინიჭებული IP.

.ge დომენის ყიდვისთვის გამოიყენეთ საიტი nic.ge – სადაც ჩამოთვლილია ქართული რეგისტრატორები, დომენის ღირებულებაა 30 ლარი წელიწადში. ხოლო, .com ან სხვა ტიპის დომენები შეგიძლიათ შეიძინოთ როგორც ქართულ ისე უცხოურ პროვაიდერებთან.

Google: How domains work.

ნაბიჯი 2: რა არის ჰოსტინგი?

ჰოსტინგი (hosting)- მომსახურეობაა, რომელსაც უზრუნველყოფს ჰოსტ პროვაიდერი კომპანია თავის სერვერზე კლიენტის ფაილების განსათავსებლად და შესანახად, რომელზეც წვდომა საჯაროდ აქვს ყველას დომენის მეშვეობით. დომენის არჩევისას პროვაიდერი გთავაზობთ ჰოსტინგსაც, თუ მასშტაბურ მაღაზიას არ იწყებთ შეიძინეთ ყველაზე დაბალ ფასიანი cPanel ჰოსტინგი (ჰკითხეთ პროვაიდერს). 99%-ში პროვაიდერ დაგეხმარებათ ერთდროულად შეიძინოთ დომენიც და ჰოსტინგიც, მიაბათ ერთმანეთს (Name Server Probation) და ვებ გვერდი ჩაირთვება. მინიმალური პაკეტით ჰოსტინგის ფასი როგორც წესი არ აჭარბებს წლიურად 400 ლარს (რაც პირველი წლისთვის საკმარისია).

Google: How web hosting works.

ნაბიჯი 3: როგორ “ჩავრთო” ვებ გვერდი?

მას შემდეგ რაც შეიძენთ დომენსა და ჰოსტინგს და პროვაიდერი გააქტიურებს თქვენს სერვერს, შებრძანდით cPanel-ში (პროვაიდერი მოგაწვდით მონაცემებს), მოძებნეთ Applications და Application-ში იპოვეთ WordPress. ინსტალაციისას /blog თავში წაშალეთ, რომ ვორდპრესი დაყენდეს ძირ დომენზე (www.panta.ge და არა www.panta.ge/blog), დანარჩენი მონაცემები როგორც წესი წინასწარ შეყვანილია, დააკოპირეთ მომხმარებელი (Username) და პაროლი (Password), რომელსაც სისტემა გაძლევთ ინსტალაციამდე და შეინახეთ საკუთარ მეილზე ან უბრალოდ დაცულ ადგილას (გადაუღეთ ფოტო). როცა ყველა ველი სავსეა დააჭირეთ Install და ზუსტად 5 წუთში თქვენი გვერდი ჩაირთვება.

Google: How to install a WordPress via cPanel applications.

ნაბიჯი 4: რა არის ვორდპრესი?

WordPress — საიტების მართვის სისტემა. დაწერილია PHP პროგრამირების ენაზე და იყენებს MySQL მონაცემთა ბაზას. 2013 წლის აგვისტოსთვის WordPress იყენებდა 10 მილიონი საიტის 22 პროცენტი. იგი არის ბლოგინგის, შოპინგის და უბრალოდ ვებ გვერდის სისტემის ყველაზე პოპულარული საშუალება ინტერნეტში. ამჟამად გამოიყენება 60 მილიონზე მეტ საიტზე, მათ შორის ცნობილი გლობალური ბრენდების მიერ. ადამიანურ ენაზე ეს ნიშნავს, რომ საქმეს რომელსაც უამრავი პროგრამისტი, დიზაინერი, კოპირაიტერი და სოლიდური რესურსი სჭირდება – მიიღებთ უფასოდ.

Google: How does WordPress work. WordPress plugins. WordPress admin panel tutorial. WordPress themes.

ნაბიჯი 5: რა არის თიმფორესტი?

WordPress Themes, ვორდპრესის თემები ეს არის გვერდის მზა დიზაინი, რომელსაც ღილაკზე ერთხელ ხელის დაჭერით დააყენებთ თქვენს გვერდზე ასევე ყოველგვარი ცოდნის გარეშე. არსებობს უფასო თემები, მაგრამ ჩვენ არ გირჩევთ უფასო თემებს, რადგან შეიძლება გვერდი გადატვირთოს ან უბრალოდ არ იყოს უსაფრთხო. ფასიანი თემებისთვის კი გირჩევთ გამოიყენოთ ThemeForest.net, სადაც დაახლოებით ერთჯერადად გადახდილი 60$ ფარგლებში შეიძენთ თქვენთვის სასურველ დიზაინს. დიზაინი შეარჩიეთ თემატურად, მაგალითად თუ ყიდით მუსიკალურ ინსტრუმენტებს ნახეთ musical instrument shop ან მოძებნეთ მსგავსი ტეგებით, შეძენამდე ნახეთ როგორ გამოიყურება (preview) და რომელიც მოგეწონებათ იყიდეთ. ნაყიდი თემის ინსტალაცია მარტივია… გადმოწერეთ ცალკე უფასო Plugin (პლაგინი ანუ ვორდპრესის ჩადგმა, დამატებითი ვებ პროგრამა), დაგუგლეთ Envato Market Plugin, შედით ვორდპრესის ადმინ პანელში Plugins > Add New (ჩადგმები > ახალი) და ატვირთეთ გადმოწერილი პლაგინი. მიყევით ინსტრუქციას, სადაც შექმნით Token-ს რომლის მეშვეობითაც თქვენი ThemeForest-ზე შეძენილი თემა გამოჩნდება თქვენს ვორდპრესს გვერდზე, დააწექით ინსტალაციას და მიყევით ინსტრუქციას რაც თქვენს თემას მოყვება. როგორც წესი თემის პროვაიდერი 6 თვის განმავლობაში გაგიწევთ დახმარებას ონლაინ, რომ მოარგოთ დიზაინი თქვენს საჭიროებებს, პრობლემის შემთხვევაში მისცემთ თქვენს მომხმარებელსა და პაროლს და თავად გაასწორებენ ნებისმიერ წუნს.

ასე მიიღებთ უკვე სრულად გააქტიურებულ ვებ გვერდს დახვეწილი და ფუნქციური დიზაინით. ვორდპრესის ენად მონიშნეთ ქართული (Settings), შემდეგ დააყენეთ ჩადგმა Loco Translate და საიტის ის ნაწილები რაც არ იქნება ქართულ ენაზე მარტივად თარგმნით ამ ჩადგმის მეშვეობით. გვერდი გამართეთ სრულად ქართულ ენაზე, ბრაუზერების უმრავლესობა ავტომატურ თარგმნას შესთავაზებს უცხოელ მომხმარებლებს მათ მოწყობილობებზე.

Google: Install WordPress theme. Install WordPress plugin. Buy WordPress theme on ThemeForest, ThemeForest demo import. Use Loco Translate plugin.

ნაბიჯი 6: რა არის ვუკომერსი?

WooCommerce ეს არის ასევე უფასო ვორდპრეს ჩადგმა, რომელიც 99% მოყვება თქვენს შეძენილ თემას თიმფორესტზე. ამ ჩადგმის მეშვეობით საიტზე ტვირთავთ პროდუქტებს და მართავთ შეკვეთებს. ვუკომერსი ქართულად სრულად თარგმნილია, რაც ნიშნავს რომ როცა ვორდპრესს ქართულ ენაზე დააყენებთ ვუკომერსის როგორც ადმინ პანელი ისე გარე ვიზუალი სრულად ქართული გახდება. შედით პარამეტრებში და მიყევით ნაბიჯ-ნაბიჯ, შეიყვანეთ შესაბამისი მონაცემები და ვუკომერსი სრულად გააქტიურდება. “ითამაშეთ” ფუნქციებით, ვერაფერს გააფუჭებთ, საბოლოოდ კი მარტივად ისწავლით მის გამოყენებას.

Google: Install WooCommerce Plugin. What is WooCommerce. WooCommerce YouTube tutorial.

ნაბიჯი 7: შპს/იმ და გადახდის სისტემები

თუ გსურთ რომ შემოსავალი მიიღოთ გადასახადების თავის არიდებას ნამდვილად არ გირჩევთ. ამიტომ დაარეგისტრირეთ შპს ან ინდივიდუალური მეწარმე, გახსენით საბანკო ანგარიში (რეკომენდაციას ვუწევთ TBC ბანკს) და დაუკავშირდით კომპანიას PlugAndPlay.ge, სადაც წელიწადში 170 ლარად დააყენებთ გადახდის სისტემას თქვენს ვუკომერსზე, რაც ნიშნავს რომ მომხმარებელს ნებისმიერი ბანკის VISA ან MasterCard ბარათით შეეძლება თქვენს ონლაინ მაღაზიაში გადახდის განხორციელება. აუცილებელია ამ ეტაპზე ასევე შეიძინოთ SSL სერთიფიკატი (არ ღირს ძვირი), თუმცა ხშირ შემთხვევაში ჰოსტინგ პროვაიდერს ერთი სერთიფიკატი უფასოდ აქვს თქვენს სერვერზე მინიჭებული.

Google: WooCommerce payment settings. Install SSL Certificate on WordPress.

ნაბიჯი 8: პროდუქციის ატვირთვა და მაღაზიის დალაგება.

მერჩენდაიზინგი ნებისმიერი მაღაზიის კრიტიკულად მნიშვნელოვანი საკითხია, როგორც ფიზიკური მარკეტის ისე ონლაინ – ანუ როგორ ვალაგებთ პროდუქციას საიტზე?! რომელი პროდუქტები ჩანდეს პრიორიტეტულად თავში, რომელი შუაში და რომელი ბოლოში. რა ტიპის კოლექციები შეიძლება შექმნათ პროდუქტებად და როგორი ცალკე საპრეზენტაციო გვერდები შეიძლება შეუქმნათ გამორჩეულ პროდუქტებს ექსკლუზიური ბმულებით, რომელსაც მერე სოციალურ ქსელში იყენებთ მომხმარებლის მოსაზიდად. გაითვალისწინეთ რაც უფრო მრავალფეროვანი და უხვია თქვენი გვერდი პროდუქტებით, მით უფრო უკეთესი შედეგები აქვს გუგლის ძებნაშიც და სოც ქსელშიც.

Google: Upload and arrange products in WooCommerce/WordPress. WooCommerce Product Upload Tutorial. WooCommerce Attributes tutorial. WooCommerce single product tutorial.

ნაბიჯი 9: სოციალური ქსელები და მაღაზია.

შექმენით Facebook და ინსტაგრამ გვერდები მარტივად და ასევე უფასოდ. გუგლში აკრიფეთ Create Facebook Page და Create Instagram Page, მიყევით ინსტრუქციას და გვერდები შექმნილია. გვერდების პროფილებში აუცილებლად მიუთითეთ თქვენი ვებ გვერდის მისამართი. თითოეულ პროდუქტს აქვს უნიკალური ბმული (ლინკი), ეცადეთ პოსტები დაუთმოთ პროდუქტებს ინდივიდუალურად და პოსტზე მიუთითოთ ეს ბმული, რომ მომხმარებელმა პირდაპირ შეიძინოს. პოსტში არ დაწეროთ პროდუქტის ფასი და პოსტის ფოტოზე არ დაიტანოთ არავითარი ტექსტი. პოსტის ფოტო ეცადეთ იყოს ბუნებვრივი, ზედმეტი გრაფიკისა და ეფექტების გარეშე, სასიამოვნო ფერებით და განათებით. პოსტის ტექსტი კი მოკლე, მარტივი, იუმორიანი და საინტერესო. დღეში დაპოსტეთ მინიმუმ 2-ჯერ და მაქსიმუმ 5-ჯერ. ხშირად დადეთ Story ორივე პლატფორმაზე. ეცადეთ ლინკი იყოს პოსტის თავში და ყოველთვის ტექსტამდე. საუკეთესო პოსტები გაარეკლამეთ დღეში 2-5$ ღირებულების ბუსტით. იუთუბზე და გუგლში ზღვა მასალაა ბევრ ენაზე თუ როგორ უნდა მართოთ სოციალური მედია კამპანიები ეფექტურად, ჩაუჯექით და 2-3 თვეში საკმაოდ მაღალ დონეზე შეისწავლით. არის ფასიანი კურსებიც.

Google: Manage Facebook page, manage instagram page. Connect Facebook and Instagram business pages. Manage Facebook ads.

ნაბიჯი 10: Google და მაღაზია.

ვორდპრესის ჩადგმებში აუცილებლად დაამატეთ Google Site Kit, სადაც გააქტიურებთ Google Search და Google Analytics. ასე თქვენ შეგეძლებათ გაიგოთ რა ფრაზებით და სიტყვებით გეძებთ თქვენი მომხმარებელი და სამომავლოდ ამაზე გააკეთოთ აქცენტი, ასეთი პროდუქცია ატვირთოთ ან დაამატოთ გვერდები იმავე ტექსტებით. ასევე ადევნებთ თვალს რამდენი ვიზიტორი გყავდათ ყოველდღიურად, რომელ გვერდებს სტუმრობდნენ, რამდენ ხანს ჩერდებონდნენ, რომელი ასაკობრივი ჯგუფები ინტერესდებოდნენ უფრო და რომელი ლოკაციებიდან. ეს ინფორმაცია კი მოგვიანებით შეგიძლიათ სოციალური მედიის კამპანიებში გამოიყენოთ და მთლიანად საიტის დიზაინის განვითარებაშიც კი, რადგან თუ მაგალითად თქვენი მომხმარებლების უმრავლესობა ქალბატონები 18-35 წელია, შესაბამისი ტრენდებით დატვირთავთ საიტს და სოც. გვერდებს.

Google: Install Google Site Kit WordPress. How does Google Search Console work on WordpRess. How Google Analytics work on WordPress. What is SEO. How to imrpove SEO on WordPress.

ნამდვილი მაგალითი

ერთი ერთში ამ ნაბიჯებით არის შექმნილი ონლაინ მაღაზია “პანტა”. ეწვიეთ გვერდს www.panta.ge და სოც ქსელში www.facebook.com/www.panta.ge – თავად შეაფასეთ. თქვენც ზუსტად ასე შეგიძლიათ შექმნათ ბიზნესი ონლაინ, მინიმალური ცოდნისა და რესურსების პირობებში.

გისურვებთ წარმატებებს!